Mjög ánægðar!

Hæ hæ! Það gengur vel hjá dömunni og hún er að vinna þetta á góðum hraða.

Mér finnst þetta henta henni mjög vel. Hún biður mig sjaldan um hjálp lengur, vinnur þetta bara sjálf og fer yfir.

Í skólanum vantar ýmislegt inn í hjá henni því hún hefur oftast dregist aftur úr. Hún hefur fengið sérkennslu þar sem þau geta unnið hægar en í bekk.

Við erum mjög ánægðar með námskeiðið!

Frábært verkfæri

Það sem er svo frábært er að sjá hvernig þetta "kveikir", eða "lýsir upp" þekkinguna. Þá er þetta bara frábært verkfæri fyrir okkur kennarana.

Miklu öruggari og betur stödd

Þetta hefur gengið mjög vel og við erum svo ánægð að hafa skráð hana hjá ykkur. Henni finnst þetta skemmtilegt og hefur verið dugleg, farið til baka til að rifja upp ef eitthvað stendur í henni, eins og á að gera.

Hún er orðin miklu öruggari og betur stödd í stærðfræðinni og þetta á eftir að koma henni til góða, það er ekki spurning.

Frábært miðað við okkar reynslu!

Einstaklega skýrt!

Upptökurnar, útskýringarnar og dæmin sem sett eru upp á námskeiðinu eru einstaklega skýr og vel farið í gegnum öll atriði.

Mjög spennandi að læra

Dóttir mín var orðin á eftir í stærðfræði og fannst erfitt að skilja nýjar aðferðir sem útskýrðar voru á venjulegan hátt. Henni fannst mjög spennandi að læra á þennan hátt.

Að fá sýnikennslu í tölvunni sem hún gat horft á aftur og aftur þangað til að hún skildi.

Við sjáum stóran mun á henni, hún er komin með áhuga á stærðfræði og finnst hún oft skemmtileg. Við þökkum kærlega fyrir okkur!

Önnur nálgun

Ég mátti til með að óska ykkur til hamingju með þetta námskeið.

Myndböndin eru framúrstefnuleg og lífleg og nálgast nemendur á annan hátt en ég hef séð fyrr.

sló algjörlega í gegn

Almennu brotin slógu algjörlega í gegn og hér var sko beðið eftir því að nýtt efni kæmi á vefinn! Það var afar ánægjulegt að sjá krakka hreinlega velja að reikna (ánægjunnar vegna) heldur en að gera eitthvað annað.

Ég er þess fullviss að námskeiðið á stóran þátt í jákvæðu hugarfari nú í upphafi skólaárs. Takk kærlega fyrir okkur!

Sælir! Það er ekki auðvelt að viðurkenna það en ég er 35 ára gamall og er að stunda fjarnám í verkmenntaskólanum á Akureyri í meistaranámi.

Ég skráði mig til að rifja upp allt og finna það sem er að hjá mér í stærðfræðinni,

Ég hef alla tíð átt erfitt með stærðfræði og vonaði að námið ykkar muni létta mér róðurinn í gegnum stærðfræðina,

Það sem ég er búinn að sjá af þessu er frábært námsefni og ég þakka ykkur fyrir að hafa búið þetta til þið eruð eflaust búnir að hjálpa mörgum krökkum í gegnum ómögulega tíma.

Það er gott að vita af þessu þegar guttinn minn byrjar í stærðfræði.

Með fyrir fram þökk!

Með ykkar hjálp tosuðum við dóttur okkur úr 2 í 7 í stærðfræði í vor, svo hún flaug inn í skólann sem hana langaði í. Takk fyrir okkur!

Hefur gengið vonum framar

Þetta hefur gengið vonum framar og ég finn að sonur minn hefur líka styrkst mikið í öðrum þáttum stærðfræðinnar vegna námskeiðsins.

Stærðfræðin gengur mun betur en í fyrra, svo er þetta svo góð upprifjun fyrir mig.

Kærar þakkir fyrir gott námskeið!