Framgangur:
Framgangur:
Framgangur:
Framgangur:
Einfaldleiki skiptir miklu máli. Okkar markmið er að nemandinn finni sem minnst fyrir "umhverfinu" og geti þannig einbeitt sér að því sem mestu máli skiptir, námsefninu.
Skipta má dæmahlutum í þrennt.
Hverjum hluta (neðst á hverri síðu) er stutt samantekt.
Þar gefst nemandanum (eða foreldrum) tækifæri til að spyrja spurninga varðandi efni hlutans og fá aðstoð ef þörf er á (við leggjum áherslu á að svara eða hafa samband innan 1 virks dags).
Að lokum er stuttlega sagt frá því sem næst kemur (Væntanlegt).
Nemandinn hefur ávallt fullan aðgang að öllu eldra efni meðan áskrift er gild.
Þannig er auðvelt að rifja upp þegar þörf er á, t.d. með því að horfa á eldra kennslumyndband eða lausnarmyndbönd.
Ekkert kemur í staðinn fyrir að nemandinn reikni sjálfur dæmin. Stærðfræði lærist ekki með því að horfa á aðra reikna, heldur þarf að þjálfa til þrautar aðgerðirnar sjálfar. Og það gerir enginn nema nemandinn sjálfur.
Við hönnun dæmanna og samsetningu námskeiðsins var þess vandlega gætt að sleppa engu, nemandinn þarf aldrei að giska á hvað kennarinn var að hugsa.
Öll skref eru sýnd, alltaf. Engu er sleppt.
Röð hlutanna er auk þess vandlega úthugsuð með það í huga að nemandinn hafi alltaf forsendur til þess að takast á við nýtt efni að því gefnu að hann hafi gert allt sem á undan hefur komið.
Ólíkt því sem margir halda þá gengur ekki að dema öllu efninu á nemandann í einu og ætlast til þess að hann ráði fram úr þessu. Slíkt veldur því að nemandinn annað hvort "gramsar" í efninu og velur á milli þess sem hann telur sig þurfa að gera og "má" sleppa, eða þá að honum fallast hendur og hann gerir ekki neitt.
Að sjálfsögðu erum við svo til taks ef aðstoðar er þörf.
Við gætum þess að efnið reynist nemandanum síður yfirþyrmandi með því að opna á nýtt efni á 3-5 daga fresti.
Þannig stillum við álagi í hóf og leiðum nemandann áfram, skref fyrir skref.
Smelltu hér til að sjá útlit og uppsetningu á efni.
Vefurinn styðst við nýjustu tækni og hentar því öllum tækjum og stýrikerfum (Android, iPad,iPhone)
„Youtube kynslóðin“ skilur stutt myndskilaboð betur en allt annað. Stærðfræði er nógu snúin fyrir og því bætir flókið orðalag skýringardæma ekki úr.
Rúmlega 300 háskerpumyndbönd tilheyra námskeiðinu.
Engin fyrirmæli sem tilheyra kennsluefninu eru skrifleg. Við vildum gera námskeiðið eins notendavænt og mögulegt var fyrir nemendur sem glíma við lestrarörðugleika.
Stutt vídeó halda athygli nemandans betur en texti auk þess sem flestum reynist auðveldara að skilja munnleg fyrirmæli en skrifleg.
Við þekkjum hann öll. Kennarinn sem kann efnið svo vel en getur engan veginn útskýrt það fyrir öðrum. Allra síst nemendum sem standa höllum fæti fyrir.
Það er kallað “Bölvun þekkingarinnar” (e. “curse of knowledge”) þegar bilið milli nemandans og kennarans er svo mikið að það verður ekki brúað auðveldlega. Kennari hefur auk þess ekki tíma til þess að útskýra hluti frá grunni aftur og aftur. Á ákveðnum tímapunkti verður hann að gera ráð fyrir því að nemandinn hafi náð ákveðnum tökum á efninu.
Við erum meðvitaðir um þetta og því eru öll kennslumyndbönd afar ítarleg. Engu er sleppt. Allt er útskýrt og allt er sýnt.
Nemandinn getur að sjálfsögðu stöðvað myndbandið, bakkað og horft á aftur, strax eða síðar.
Námskeiðinu fylgir stuðningur frá stærðfræðikennara og höfundi efnisins varðandi allt efni námskeiðsins.
Það skiptir ekki máli hvort þú býrð á Bíldudal, Egilsstöðum eða Reykjavík. Námskeiðið er aðgengilegt í snjallsíma eða spjaldtölvu óháð staðsetningu nemandans.
Betra nám hefur í rúm 10 ár einbeitt sér að úrræðum fyrir nemendur sem standa höllum fæti í skólakerfinu.
Sprenging í útbreiðslu spjaldtölva og snjallsíma hefur opnað nýja möguleika í kennslu.
Segja má að dæmið hafi snúist við. Nemandinn þarf ekki að mæta á tiltekinn stað á tilteknum tíma til að læra tiltekna hluti; að grípa upplýsingar á lofti sem kennari miðlar á töflu.
Þess í stað getur nemandinn – hvar sem hann er staddur í heiminum – nálgast efnið þegar honum hentar.
Við höfðum ákveðnar hugmyndir um það hvernig við vildum bera stærðfræðikennsluna á borð og vonumst við til að þessari nýbreytni verði vel tekið.
Við höfum búið til og tekið upp gríðarlegt magn dæma og myndbanda og gert það aðgengilegt á formi sem hentar nútíma nemendum, hvort sem þeir nota fartölvur, spjaldtölvur, eða snjallsima.
Við höfum samanlagt unnið í 15 ár við kennslu og ráðgjöf.
Flestir skjólstæðinga okkar hafa glímt við lestrar- eða stærðfræðiörðugleika af einhverju tagi og stór hluti greindur með lesblindu og athyglisbrest.
Markmið okkar var að búa til gæða kennsluefni í stærðfræði sem við myndum sjálfir vilja nota fyrir okkar börn.
Ekki síst var það markmið okkar að setja námsefnið þannig fram að nemendur sem lítið skilja og hafa hingað til átt mjög erfitt uppdráttar, myndu ná tökum á námsefninu.
Við brjótum námsefnið upp í 10 hluta, svo nemandinn nái góðum og djúpum skilningi á hverjum hluta fyrir sig áður en lengra er haldið.
Við opnum nýjan hluta á nokkurra daga fresti og leggjum við mikla áherslu á að nemandinn ljúki efni hvers hluta áður en hann heldur áfram.
Ef nemandinn þarf lengri tíma til að ljúka við efnið og reikna dæmin sem fylgja, þá er það í góðu lagi, því eldra efni helst aðgengilegt meðan á áskrift stendur.
Við vitum að flestum nemendum líkar myndræn framsetning fremur en skrifleg.
Þess vegna lögðum við okkur fram um að setja námsefnið fram á fjölbreyttan, en skýran máta.
Við notumst við kennslumyndbönd og teiknimyndir auk hefðbundins texta og dæmablaða við framsetningu námskeiðsins.
Námskeiðið nær til eftirfarandi hluta. Hver og einn námshluti er mikilvægur hlekkur í keðju sem slitnar auðveldlega ef nemandinn skilur ekki hvern hluta til botns.
Hverjum hluta fylgja vönduð skýringardæmi og kennslumyndbönd auk verkefna sem nemandinn vinnur.
Allar lausnir eru aðgengilegar á vídeóformi svo nemandinn þarf ekki að velkjast í vafa um hvað það var sem hann gerði vitlaust.